Пүрэв гаригт нийслэлийн замын хөдөлгөөнийг түр хязгаарлана

Пүрэв гаригт нийслэлийн замын хөдөлгөөнийг түр хязгаарлана

Монгол Улсын нийслэл Улаанбаатар хотод зохион байгуулагдаж буй Гамшгаас хамгаалах иж бүрэн сургуультай холбогдуулан 2019 оны 4 дүгээр сарын 25-ны өдрийн 07:00-09.30 цагт нийслэл Улаанбаатар хотын замын хөдөлгөөнийг түр хязгаарлана. 08:00 цагт гамшгаас хамгаалах сэрэмжлүүлэх дуут дохио дуугарна.

Орон сууцны иргэд оршин суугаа газрынхаа хамгийн ойр 111 байршилд түр нүүн шилжинэ. Гэр хорооллын иргэд гудамжиндаа гарч зогсоно. Байршил заасан таниулах хуудсыг дүүрэг, хороодын хэсгийн ажилтнуудаар дамжуулан өрх бүрт хүргэнэ. Гамшгаас хамгаалах дадлага сургуульдаа иргэн бүр идэвхтэй оролцохыг нийслэлийн Онцгой байдлын газраас уриалж байна.

 

Нийслэлийн Онцгой байдлын газар Гамшгаас урьдчилан сэргийлэх хэлтэс