Ус, цаг уур орчны шинжилгээний газраас тавдугаар сарын цаг агаарын урьдчилсан төлөв мэдээллийг гаргажээ.
Энэ сард температур говийн аймгуудын ихэнх нутаг, зүүн аймгуудын нутгийн өмнөд хэсгээр олон жилийн дунджаас 1-1.5 градусаар дулаан бусад нутгаар дунджийн орчим байх төлөвтэй байна. Хур тунадас газар тариалангийн бүс нутгаар олон жилийн дунджаас бага зэргийн ахиу, говийн аймгуудын нутгийн өмнөд хэсгээр дунджаас бага бусад нутгаар дунджийн орчим хур тунадас орон төлөвтэй байгаа аж.