Монголросцветмет”-ийг 68 тэрбумын өртэйг мэддэг Б.Мөнхбат захирал сардаа 39 саяын цалин авдаг

Asuudal.mn
2019-10-07 16:19:37

Монголросцветмет”-ийг 68 тэрбумын өртэйг мэддэг Б.Мөнхбат захирал сардаа 39 саяын цалин авдаг

-Б.Мөнхбат захирал өөрийн эзэмшлийн байртай ч байгууллагаасаа ашиглалтын зардал авдаг-

Саяхан төрд 100 хувь эргэн ирсэн “Монголросцвемет” ТӨҮГ-ын захирал Б.Мөнхбатыг АТГ-т шалгасаар байгаа. Түүнийг хэт тансаглалд дуртай нэгэн гэдгийг хамт олон нь байтугай хэвлэл мэдээллийн хэрэгсэлүүд ч зарласан. Харамсалтай нь түүнд төрд зүтгэх чин сэтгэлээс илүүтэй өөрийнхөө хувийг бодож, довыг шарлуулах санаа нь л чухал бололтой.

Тодруулбал, мань хүний үндсэн болон гэрээний нэмэгдэл цалин, хоол, орон сууцны хангамж зэрэг нь 39 сая орчим төгрөг болдог. Үүнийгээ Б.Мөнхбат авах ёстой, байгууллагаа ашигтай ажиллуулсан мэтээр ярьдаг, зальжин нэгэн. Учир нь Засгийн газрын 2019 оны 05 сарын 22-ны өдрийн хуралдааны дараа Сангийн яам, Төрийн өмчийн бодлого зохицуулалтын газар зэрэг байгууллагын хамтарсан шалгалтын багийн тайланг олон нийтэд ил болгосон.

Тухайн үед тэрхүү ажлын хэсгийн ахлагч Сангийн яамны Чимэдсүрэн “Монросцветметийн санхүүгийн байдал нэлээд хүндэрсэн. Нийт 70 тэрбум төгрөгийн хөрөнгөтэй хэрнээ 68 тэрбум төгрөгийн өр төлбөртэй гарсан. Энэ өр төлбөрийн асуудлыг нэлээд нухацтай шалгах шаардлагатай. Тухайлбал,2011 оны ногдол ашгийг төлөхдөө “Ростех” корпорациас 3.8 сая ам.доллар зээлж авсан. Энэ нь 2018 он болтол хүүтэйгээ хуримтлагдаад 6 сая доллар болсон.

Тухайн үеийн ханшаар 14.7 тэрбум төгрөг болж байгаа. Үүнийгээ төлөхдөө “Улаанбаатар хот”-ын банкнаас зээл аваад “Монголын зэс” корпораци руу шилжүүлсэн байдаг. Мөн “Худалдаа Хөгжлийн банк”-наас зээлийн шугам нээлгэж, 9.9 тэрбум төгрөгийн үлдэгдлийг өөр бэлтгэн нийлүүлэгч “Ган болд металл” компанитай уялдуулаад “Улаанбаатар хот”-ын банкнаас тухайн компанид зээл олгуулж, “Ган болд металл” авсан зээлээ “Монросцветмет”-д тушааж, тэднийх “Худалдаа хөгжлийн банк”-нд зээлээ хааж, чөлөөлөгдсөн. Тодорхой хэмжээний жоншны баяжмал нийлүүлэгдээд явж байна. 2.6 тэрбум төгрөгийн жонш нийлүүлсэн үед “Улаанбаатар хот”-ын банкнаас хүсэлт гаргаад тухайн компанийн нийлүүлэлтийг зогсоогоод, “Монголросцветмет” компанийг зээл авахуулаад “Ган болд металл” компанид зээл төлүүлэх гэсэн, өөрөөр хэлбэл зээлийн ашиг сонирхолын зөрчил гэж хэлж болохоор зөрчил байгааг мөн эргэж, дахин шалгах шаардлагатай байгаа.” хэмээн тун дэлгэрэнгүй ярьсан. Үндсэндээ “Эрдэнэт үйлдвэр”, “Монросцветмет” нэгдэл хоёрын 49 хувь нь “Монголын зэс” корпорацийн мэдэлд байх үед “Улаанбаатар хот”-ын банк, “Худалдаа хөгжлийн банк”, “Ган болд металл” зэрэг аж ахуйн нэгжүүд хоорондоо зээл, хүү хэлбэрээр хөрөнгийг хөдөлгөөнд оруулж, мөнгө “угаадаг” байжээ гэж хардахаар...

Ийм байтал мань Б.Мөнхбат энэ сарын 4-нд УИХ-ын Аюулгүй байдал гадаад бодлого байнгын хорооны хуралдааны үеэр “Ерөнхий захирал миний хувьд 4.5 сая төгрөгийн үндсэн цалинтай. Компанийн борлуулалт, ашгийн үйл ажиллагаанаас хамаарч нэмэгдэл цалин бий... 2019 оны нэгдүгээр улирлын байдлаар 10.1 тэрбум төгрөгийн цэвэр ашигтай ажиллаж хуримтлагдсан алдагдлыг 1.1 тэрбум болгож бууруулсан. Төрийн өмчит үйлдвэрийн газар болсноор Шилэн дансны тухай хуулийг хэрэгжүүлж байна. Жилийн эхний дөрвөн сарын байдлаар 15.6 тэрбум төгрөгийн ашигтай байна.” гэх тайлбарыг өгсөн байдаг.

Шалгалтын багийнхан 70 тэрбум хөрөнгөтэй аж ахуйн нэгж 68 тэрбумын өртэй болчихсон байгааг зарлаад байхад л Б.Мөнхбат тэс хөндлөн зүйл ярьж, бүр “Монголросцветмет” ашигтай ажиллаж байгаа тул энэ хэмжээний цалин урамшуулал авах нь зүйн хэрэг гэсэн аятай огт ажиггүй ярьж байх юм. Гэхдээ тун удахгүй түүний энэ худлууд батлагдаж дээрх ажлын хэсгээс “Монросцветмет”-д их хэмжээний акт тавихаар зэхэж байгаа юм билээ. Түүний худал, үнэн хэлж буйг хууль шүүхийн байгууллага нотлох нь тодорхой. Гэхдээ энэ хүн бэ гэдгийг маш энгийн нотолгоо таниулж орхисон юм. Тэрбээр захирлын албыг хашихдаа өндөр үнийн дүнтэй цалин, урамшууллынхаа зэрэгцээ гэрээний заалтын дагуу орон сууцны ашиглалтын зардал гэж сард 800 гаруй мянган төгрөгийг мөн л сул авдаг байж.

Б.Мөнхбат захиралд үнэндээ төдий хэмжээний ашиглалт төлөөд байх орон сууц байхгүй л дээ. Тус нэгдэл ажилчиддаа зориулж хямд үнээр орон сууц барьсан нь БЗД-ийн 5 хороонд байрладаг. Тэнд Б.Мөнхбат захирал 2015 онд ашиглалтад ормогц байр авахаар төлөвлөөд байсан ч халагдаад авч чадаагүй. Харин дараа нь хамт ажиллаж байсан хүнээрээ дамжуулан өдгөө 50-1 байранд 2 өрөөтэй болсон нэгэн. Гэхдээ түүндээ амьдардаггүй, тансаг хүн л дээ. Түүний энэ л үйлдэл ямар шуналтай хүн болохыг бас худалч гэдгийг баталж өгч байгаа юм.

Үргэлжлэл бий…

 эх сурвалж: erennews.mn 
Сэтгэгдэл