НЗДТГ-ын дарга М.Отгонбаярын паян

Нийслэлийн засаг дарга С.Батболд Утааны эсрэг аав ээжүүдийн акцыг хийлгэхгүй гэж хариу өгчээ. Утааны эсрэг аав ээжүүд ТББ-н зүгээс 3 сарын 18-нд 12 үг бүтээж эсэргүүцлээ илэрхийлэх гэж байсан. Нийтдээ 500 хүн цугларч уг эсэргүүцлийн акцыг хийх байсан юм. Гэтэл нийслэлийн засаг даргын тамгын газрынхан зөвшөөрсөнгүй. 

Хамгийн өрөвдөлтэй нь НЗДТГ-ын дарга Отгонбаярын гарын үсэгтэй албан бичгийн он сар өдөр нь жилээр зөрчихсөн байна.  Утааны эсрэг аав ээжүүд 2017 оны 03 сарын 18 өдөр эсэргүүцлийн жагсаал хийнэ. Гэтэл уг албан бичигт он сарыг нь 2016 оны 03 сарын 18-нд жагсаал хийх боломжгүй гэж хариу өгсөн байх юм. 

Ганц албан бичгийн он сарыг хянаж чадахгүй Нийслэлийн засаг даргын тамгын газар байна гэдэг тун харамсалтай.  Албан бичгийг боловсруулсан ажилтан, хянасан хүн бүр л хариуцлага алдсан. Тэр дундаа гарын үсэг зурсан эрхэм дарга Отгонбаяр та гарын үсэг зурдаг шигээ албан бичгээ хянаж сур.