Оны эхний найман сарын байдлаар манай улсад 168890 жуулчин ирж,хагас их наяд төгрөгийн орлого оруулжээ

Оны эхний найман сарын байдлаар манай улсад 168890 жуулчин ирж,хагас их наяд төгрөгийн орлого оруулжээ

 

Монгол Улсад аяллаар ирэх жуулчдын тоо эхний найман сарын байдлаар 168,890-д хүрсэн тухай Байгаль орчин, Аялал Жуулчлалын Яамнаас мэдээлэв.

Дээрх тооны жуулчдын манай улсын эдийн засагт оруулсан хувь нэмэр нь 172 сая ам доллар буюу хагас их наяд төгрөг байгаа аж.

Жил бүр Монгол Улсад аялах жуулчдын 30-40 орчим хувийг ОХУ-ын жуулчид эзэлдэг бөгөөд энэ оны наймдугаар сарын байдлаар 79 мянган жуулчин ирсэн нь нийт жуулчдын 46 хувийг эзэлж байна.

ОХУ-д үүсээд буй нөхцөл байдалтай холбоотойгоор манай улсыг зорин ирэх Оросын жуулчдын тоо огцом нэмэгдэж буйтай холбогдуулан аялал жуулчлалын тур оператор компаниуд үйл ажиллагаагаа дахин төлөвлөх, зочид буудал, жуулчны баазууд тогтвортой ажиллах, орон нутгийн удирдлага, үйлчилгээний байгууллагууд жуулчдын зан төлөвт нийцсэн бүтээгдэхүүн, үйлчилгээг үзүүлэх, эрүүл мэндийн тусламж үйлчилгээ, аюулгүй байдлыг хангахад онцгой анхаарч, шат дараатай ажлуудыг салбарын байгууллагуудтай хамтран хийж гүйцэтгэж байна.